На курсах «Мова нанова» выступіць пробашч гомельскага касцёла

Красавік 6, 2019
Written by Katolik.life
Published in Навіны - Гомель
Add new comment

Ксёндз Юры Варанко раскажа пра Вялікдзень

Госцем папулярных курсаў «Мова нанова» ў Гомелі стане пробашч гомельскай рымска-каталіцкай парафіі ксёндз Юры Варанко. Тэмай выступлення святара стане свята Уваскрасення Хрыстова, якое сёлета ў Каталіцкай царкве будуць святкаваць 21 красавіка.

Сустрэча пройдзе ў арт-прасторы «Каўчэг» (праспект Перамогі, 2а - двухпавярховы дом за рэстаранам «Марконі», уваход у браму за хімчысткай «Сняжынка») у аўторак, 16 красавіка. Пачатак - у 18.30. Уваход, як заўсёды, вольны.

Заняткі «Мова нанова» ў Гомелі звычайна наведваюць некалькі дзесяткаў, а то і больш за сотню чалавек. У займальнай інтэрактыўнай форме вядучыя Мікола Бянько і Юлія Сівец дапамагаюць вывучаць беларускую мову.