Найстарэйшы вернік гомельскага касцёла адышоў у вечнасць
- Written by Katolik.life
- Published in Навіны - Гомель
- Add new comment
У свае 90 гадоў Мікалай Маркоўскі амаль кожны дзень прыходзіў на святую Імшу
11 траўня ў гомельскай рымска-каталіцкай парафіі Нараджэння Божай Маці развіталіся з самым старэйшым вернікам - 91-гадовым Мікалаем Карлавічам Маркоўскі. У такім ганаровым узросце ён амаль кожны дзень прыходзіў на святую Імшу, дабіраючыся з перасадкамі да храма. Пахаванне прызначанае на 12 траўня ў родных для Мікалая Карлавіча Лельчыцах.
- Штодня я ўстаю і дзякую Богу за тое, што перажыў ноч, і калі кладуся, дзякую за тое, што перажыў дзень. Маладым хачу сказаць, што без Бога - не можна і да парога. Галоўнае - гэта верыць у Бога. І будзеш сумленны, не будзеш нікога баяцца, - наказваў Мікалай Карлавіч >
У ганаровага верніка засталося чацвёра дзяцей, іх таксама часта можна сустрэць у касцёле.
Гасподзь забраў Мікалая Карлавіча ў Велікодны перыяд, які цяпер перажываюць католікі, - у той час, калі брама Неба шырока адкрыта і Бог прымае ў сваё Валадарства з асаблівай міласэрнасцю.
Нагадаем, у Вялікі пост у Гомелі развіталіся з адной з найстарэйшых парафіянак касцёла >
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Помнік беларускаму герою Кастусю Каліноўскаму адкрылі ў Вільні