Першую Імшу ў гомельскім касцёле адслужыў айцец Ануфрый
- Written by Katolik.life
- Published in Навіны - Гомель
- Add new comment
Малады святар з Мінску пачаў працаваць у маладой гомельскай парафіі
У Гомелі пачаў служыць новы каталіцкі святар - 33-гадовы айцец Ануфрый, да пасвячэння - Дзяніс Альховік. Малады святар родам з Мінску, з парафіі святога Сымона і святой Алены (Чырвоны касцёл), а належыць да ордэна святога Паўла Першага Пустэльніка (паўліны з Яснай Гары). Вучыўся Дзяніс у манаскай семінарыі ў Кракаве, быў высвечаны ў 2017 годзе. Пасля пасвячэння яго адправілі працаваць у кляштар айцоў-паўлінаў у Карэлічах Гродзенскай вобласці.
І вось цяпер, праз два гады, святара скіравалі ў маладую гомельскую парафію Ўнебаўзяцця Найсвяцейшай Панны Марыі, дзе ён прызначаны вікарыем. А 10 лістапада ён адслужыў першую святую Імшу ў касцёле Нараджэння Божай Маці - у пакуль адзіным каталіцкім храме ў горадзе.
Нагадаем, другі храм - Унебаўзяцця Найсвяцейшай Панны Марыі - пакуль будуецца, але ўжо ўзведзена часовая капліца, дзе рэгулярна служыцца святая Імша. Пробашч парафіі - таксама паўлін, айцец Леанард Адушкевіч.
Related items
- Флэшмоб This is Belarus сабраў 100 тысяч фота і відэа – таксама з Будслава
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Набірае папулярнасць канал сельскага святара: для пропаведзі ён рамантуе ГАЗ, «прымае пацыентаў»
- Абяцаныя працы не пачаліся. Паўтара гады, як зачынены Чырвоны касцёл у Мінску
- Штосьці незвычайнае зладзілі ў мінскім касцёле: набажэнства спалучылі з перфомансам