Божая Маці сабрала разам у Гомелі католікаў, праваслаўных і ідэолагаў
- Written by KATOLIK.LIFE
- Published in Навіны - Гомель
- Add new comment
Тут прайшла выстава абразоў Панны Марыі, якую суправаджаў канцэрт - фота, відэа
Рэдкай для Беларусі з'явай можна назваць сустрэчу 14 траўня ў Гомелі на адкрыцці выставы копій цудатворных абразоў Божай Маці. На мерапрыемстве сабраліся разам каталіцкае і праваслаўнае духавенства, а таксама прадстаўнікі дзяржаўнай улады.
Выставу наведалі каталіцкія іерархі - арцыбіскуп Тадэвуш Кандрусевіч, біскуп Казімір Велікаселец, пробашчы мясцовых рыма-каталіцкіх парафій, кіраўнік Гомельскай епархіі БПЦ архіепіскап Стэфан, епіскап Амвросій, намеснік старшыні Гомельскага гарвыканкама Алена Алексіна, начальнік галоўнага ўпраўлення ідэалагічнай работы, культуры і па справах моладзі аблвыканкама Дзяніс Язерскі.
Работы мастачкі Ядвігі Сянько, якая таксама ўдзельнічала ў адкрыцці выставы, прыйшлі ўбачыць многія гомельцы. Мерапрыемства адкрыла выступленне хору мінскага Чырвонага касцёла "Голас душы". Прагучалі сусветныя і беларускія духоўныя творы.
Абразы Панны Марыі, якія пабывалі ўжо ў розных кутках краіны, а перад гэтым іх правезлі ўздоўж беларускай мяжы, на працягу тыдня будуць знаходзіцца ў гомельскім касцёле Нараджэння Божай Маці.
Фота: Раіса Кухнавец і Гомельская епархія БПЦ
Media
Related items
-
Цэлы дзень на спякоце, а потым танцы. Як праходзяць пілігрымкі ў Будслаў - фота, відэа
-
Канцэртамі ў Пінску, Магілёве і Гродне стартаваў маштабны арганны фестываль
-
Масавыя Эўхарыстычныя працэсіі прайшлі на Гомельшчыне - фота
-
Будслаўскі касцёл адкрылі для наведвання - ідзе падрыхтоўка да фэсту
-
На малітву ў касцёл і па вёсцы з баянам: як у каталіцкім рэгіёне адзначылі выпускны