Гомельскія каталікі разам з Папам пачынаюць новы год - веры

Кастрычнік 10, 2012
Written by gomel.catholic.by
Published in Навіны - Гомель
Add new comment

11 кастрычніка ў 19.00 у гомельскім касцёле пройдзе ўрачыстае Набажэнства з нагоды пачатку Года веры, які быў абвешчаны Папам Рымскім Бенедыктам XVI. У гэты дзень кіраўнік Каталіцкага Касцёла адкрые Год веры, які завершыцца 24 лістапада 2013 года, ва ўрачыстасць Пана Езуса Хрыста - Валадара Сусвету.

У сваім пасланні Папа падкрэслівае, што абвяшчэнне Года веры - гэта заклік да сапраўднага і абноўленага навяртання да Госпада, адзінага Збаўцы свету. Святы Айцец паказвае на неабходнасць «зноў адкрыць шлях веры», зноў адчуць «асалоду ад смакавання Слова Божага». Брамы веры - Porta fidei - заўсёды адкрыты, і ў кожнага ёсць магчымасць пераступіць цераз парог, калі абвяшчаецца Слова Божае, а сэрца адкрываецца пераўтвараючай ласцы.

У сучасным грамадстве, адзначаным глыбокім крызісам веры, мы - піша Папа - «не можам згаджацца з тым, каб соль стала прэснай, а святло - схаваным». Памятаючы аб настаўленні Ісуса - «Клапаціцеся не пра ежу прахлую, але пра ежу, што застаецца на жыццё вечнае», - Папа паказвае мэту нашага шляху: «верыць у Ісуса Хрыста - вось шлях да канчатковага дасягнення збаўлення».

Чытайце таксама: Пастырскае пасланне Канферэнцыі Каталіцкіх Біскупаў у Беларусі на Год веры.

Last modified onСерада, 10 Кастрычнік 2012 10:32

Tagged under