Стаць шчаслівым у шлюбе - значыць, памерці для сябе - ФОТА вянчання

Ліпень 12, 2014
Written by katolik-gomel.by
Published in Навіны - Гомель
Add new comment

У адзін дзень у гомельскім касцёле бралі шлюб маладая пара і пажылыя сужэнцы, якія пражылі разам 43 гады.

12 ліпеня парафіянка гомельскага касцёла Вольга Гвоздзева абвянчалася са сваім выбраннікам Робертам. Яна сустрэла будучага мужа ў Польшчы, дзе жыла апошнія гады. Вольга - са шматдзетнай сям'і, з самага дзяцінства яна ў касцёле. Дзяўчына доўга шукала сваё пакліканне і, нарэшце, убачыла яго ў шлюбе. Вянчанне адбылося ў Гомелі.

- Заклікаю вас паглядзець на шлюб вачыма Божымі. Гэта значыць, як на шлях да святасці. Стварыць сям'ю - гэта значыць прыняць волю Бога, увайсці ва ўсё тое, што Бог падрыхтаваў для вас, прыняць усе, што хоча вам падарыць. Таму прашу вас адкрыць свае сэрцы і сказаць Богу - так, хай будзе, як Ты хочаш. Каб вы былі шчаслівымі з Богам! А быць шчаслівымі без Госпада немагчыма. Даверцеся Яму, Ён вас вельмі любіць. Таму радуйцеся! - наказваў маладым пробашч парафіі айцец Славамір і падсумаваў:

- Хочаш быць шчаслівым у шлюбе, значыць павінен памерці для сябе.

Таксама 12 ліпеня падчас Эўхарыстыі адбылося вянчанне пажылой пары. Мікалай і Антаніна пражылі ў шлюбе ўжо 43 гады.