Моладзь запрашаюць сустрэць Новы год у Празе з суполкай Тэзэ
- Written by katolik-gomel.by
- Published in Навіны - Гомель
- Comments (1)
На сустрэчу ў Чэхію запрашаюцца маладыя католікі, праваслаўныя і пратэстанты з еўрапейскіх краін.
Традыцыйная Еўрапейская сустрэча хрысціянскай экуменічнай супольнасці Тэзэ, якая аб'ядноўвае ўсе канфесіі, у гэты раз пройдзе ў Празе з 29 снежня па 2 студзеня. На сустрэчу ў Чэхію запрашаюцца каталікі, праваслаўныя і пратэстанты. Еўрапейскія сустрэчы разлічаны ў першую чаргу на моладзь 17-35 гадоў, аднак кіраўніком групы можа быць і чалавек старэйшы за гэты ўзрост.
Сустрэча ў Празе збярэ разам некалькі дзесяткаў тысяч маладых людзей усіх хрысціянскіх канфесій на новы этап «паломніцтва даверу на зямлі».
Прымаць удзельнікаў сустрэчы будуць жыхары Прагі і яе наваколля. Магчыма, некаторым давядзецца спыніцца ў парафіяльных памяшканнях, школах або спартыўных залах. Таму кожны павінен прывезці з сабой турыстычны дыванок і спальнік. Маладыя людзі з абмежаванымі фізічнымі магчымасцямі павінны зарэгістравацца да 1 лістапада, каб ім паспелі знайсці падыходнае рассяленне.
Прыкладная сума ўнёску для моладзі з Расіі складае 40 еўра, з Украіны і Бeларусі да 35 гадоў складае 35 еўра; для дарослых старэйшых за 35 гадоў - 55 еўра. Онлайн-рэгістрацыя будзе даступная на сайце Тэзэ з верасня. Кіраўнікі груп павінны зарэгістравацца да 1 лістапада, паказаўшы прыблізную колькасць членаў групы. Асабістыя дадзеныя могуць быць дададзены пазней. Рэгістрацыя заканчваецца 1 снежня.
Можна зарэгістравацца на ўдзел у сустрэчы ў беларускіх арганізатараў тут: http://transfild.by/taize07-2014 У гэтым выпадку ўсе выдаткі на паездку складуць усяго ад 100 еўра.
Related items
- Тым, хто не можа на Радуніцу памянуць блізкіх у храме, прапануюць гэта зрабіць дыстанцыйна і бясплатна
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Не сказалі нават біскупу». Даведаліся, на які тэрмін асудзілі святароў у Віцебску
- «Сезон пілігрымак» адкрыла паломніцтва з Пінска ў Лагішын
RSS-стужка каментароў гэтага запiсу