Гомельскіх дзяцей-інвалідаў лечаць катаннем на конях [фота, відэа]

Дабрачынная каталіцкая місія «Карытас-Міласэрнасць» разам з «Гомельскім домам-інтэрнатам для дзяцей-інвалідаў і маладых інвалідаў з асаблівасцямі псіха-фізічнага развіцця» пачалі праект па занятках іпатэрапіяй. Гэта так званае «лячэнне з дапамогай каня», адзін з відаў альтэрнатыўнай медыцыны, пры якім ўздзеянне на арганізм дзіцяці з асаблівасцямі псіха-фізічнага развіцця аказваецца непасрэдна праз лячэбную верхавую язду.

Ужо пасля адзінкавых прагулак на конях у трох дзяцей заўважылі паляпшэнне настрою, эмацыйны ўсплёск, павелічэнне жыццёвай актыўнасці, жаданне дзейнічаць, гуляць, размаўляць. А рэгулярныя заняткі іпатэрапіяй дазваляюць атрымаць добрыя вынікі ў фізіялагічным, інтэлектуальным і псіхалагічным развіцці дзяцей-інвалідаў.

Прыезд коней у Дзіцячую вёску - гэта ўжо цэлае падзея для хлопчыкаў і дзяўчынак, гэтыя госці прыносяць шчырую радасць і буру уражанняў не толькі для тых дзяцей, што ездзяць на конях, але і для тых, якія могуць проста пастаяць побач, пагладзіць каня. Заняткі па іпатэрапіі праводзіць па дамове прыватны конны клуб.