У гомельскай Дзіцячай вёсцы зладзілі вялікае інтэграцыйнае свята - ФОТА
- Written by Алина Приходько
- Published in Карытас - Гомель
- Add new comment
Сюрпрызам для дзяцей стала катанне на кані ў гонар свята і заканчэння праекта па іпатэрапіі.
У «Гомельскім доме-інтэрнаце для дзяцей-інвалідаў і маладых інвалідаў з асаблівасцямі псіха-фізічнага развіцця» (Дзіцячай вёсцы) адбылося інтэграцыйнае мерапрыемства ў рамках Міжнароднага Дня абароны дзяцей. Асноўная мэта - змена стаўлення грамадства да дзяцей з асаблівасцямі развіцця. У госці на свята ў мэтах інтэграцыі прыехалі дзеці супрацоўнікаў, якія працуюць у Дзіцячай вёсцы, сваякі некаторых дзяцей, прадстаўнік Камітэта па працы, занятасці і сацыяльнай абароне Гомельскага аблвыканкама, валанцёры «Funny nose», якія гулялі з дзецьмі ў розныя гульні і проста размаўлялі з імі, а таксама дабрачынная каталіцкая місія «Карытас-Міласэрнасць».
- Свята было выдатным. Дзеці вельмі імкнуліся добра выступіць, праспяваць і станцаваць, на свяце быў дэбют хлопца Кірыла з сіндромам аўтызму. Ён для ўсіх гасцей прачытаў верш. Пасля асноўнай ўрачыстай часткі валанцёры «Funny nose» гулялі з усімі дзецьмі і гасцямі, для ўсіх быў арганізаваны салодкі стол. Дзеці былі рады прымаць гасцей, гуляць з імі і проста мець стасункі. Надвор'е было выдатным, не падвяло, - кажуць у ДКМ «Карытас-Міласэрнасць».
Сюрпрызам для дзяцей стала катанне на кані ў гонар свята і заканчэння праекта па іпатэрапіі. Кіраўнік коннага клуба вырашыў правесці акцыю і пакатаць дзяцей бясплатна.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Ці ўступаць у піянеры, спыталі ў вернікаў – частка адказаў здзівіла