У Барысаве напярэдадні Вялікадня абрабавалі касцёл

Днём 4 красавіка, у Вялікую суботу напярэдадні Вялікадня, з каталіцкай царквы ў Барысаве невядомы скраў грошы і маёмасць святара. З яго незачыненага пакоя, размешчанага на другім паверсе касцёла, зніклі ноўтбук, мабільны тэлефон і амаль 10 мільёнаў рублёў. Агульны ўрон ацэнены прыкладна ў 18 млн. рублёў, паведамляе УУС Мінаблвыканкама.

Узбуджаная крымінальная справа за крадзеж, ідзе расследаванне.

Нагадаем, таксама напярэдадні Вялікадня, у Вялікі тыдзень, у Чырвоным касцёле Мінска злачынцы спрабавалі скрасці з сейфа ахвяраванні, збіўшы жанчыну-вартаўніка.