«Шмат хворых, расслабляцца рана». Caritas развозіць дапамогу ў шпіталі Міншчыны і Магілёўшчыны
- Written by KATOLIK.LIFE
- Published in Соцыум
- Add new comment
Дадатковая дапамога закуплена на сродкі Агульнабеларускага збору Каталіцкай царквы
Дабрачынная каталіцкая арганізацыя Caritas Мінска-Магілёўскай архідыяцэзіі з 16 чэрвеня развозіць дапамогу ва ўстановы аховы здароўя Магілёўскай вобласці. Дагэтуль валанцёры пабывалі ў шматлікіх раёнах Мінскай вобласці, дзе перадалі медыкам рэспіратары, шчыткі, камбінезоны, пальчаткі ды іншыя сродкі аховы для медыкаў.
- Падчас усіх паездак, па нашых назіраннях, расслабляцца нам вельмі рана - каранавірусам хварэе шмат людзей. Калі ласка, не забывайце прытрымлівацца правілаў гігіены, выконвайце дыстанцыю ў грамадскіх месцах і не забывайце апранаць маскі. Беражыце адзін аднаго! - заклікалі ў Caritas.
Таксама там адзначылі, што дадаткова валанцёры развозяць дапамогу, закупленую са сродкаў Агульнабеларускага збору Каталіцкай царквы. Арганізацыя публікуе штодзённую справаздачу, а поўную справаздачу аб патрачаных фінансавых сродках прадаставіць у хуткім часе Нацыянальны Caritas.
Media
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Без цуду, але з падтрымкай: як «Радыё Марыя» выходзіць з цяжкай сітуацыі