BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Прапановы Каталіцкага касцёла не ўключылі ў праект зменаў Канстытуцыі

У прыватнасці, Касцёл выказваў пазіцыю аб недапушчэнні абортаў і эўтаназіі, папярэджанні дзейнасці ювенальнай юстыцыі ў Беларусі.

У апублікаваны для абмеркавання праект зменаў і дапаўненняў Канстытуцыі Рэспублікі Беларусь не ўключылі прапановы Каталіцкага касцёла. Яшчэ каля года таму Экспертная рада па пытаннях жыцця і сям’і Мінска-Магілёўскай архідыяцэзіі адна з першых прапанавала свае дапаўненні ў Канстытуцыю. Аднак у выніковым праекце знайшла адлюстраванне толькі адна прапанова, якая супала з пазіцыяй Беларускай праваслаўнай царквы - аб тым, што шлюб - гэта саюз мужчыны і жанчыны.

Нагадаем, якія змены прапаноўваў Каталіцкі касцёл:

У артыкул 8 Канстытуцыі: У пытаннях, якія датычацца сямейных каштоўнасцяў і сямейнай палітыкі, прыярытэтнымі з’яўляюцца нацыянальныя інтарэсы і заканадаўства.

У артыкул 24 Канстытуцыі: Кожны мае права на жыццё з моманту зачацця і да моманту натуральнай смерці.

У артыкул 32 Канстытуцыі: Традыцыйныя сямейныя каштоўнасці з’яўляюцца прыярытэтам дзяржаўнай палітыкі. Шлюб - гэта саюз аднаго мужчыны і адной жанчыны. Бацькі маюць выключнае права на выхаванне сваіх дзяцей так, як яны лічаць неабходным паводле іх перакананняў, калі гэта не супярэчыць закону.

Такім чынам, Каталіцкі касцёл выказваў пазіцыю аб недапушчэнні абортаў і эўтаназіі, аб папярэджанні дзейнасці ювенальнай юстыцыі ў Беларусі.

Last modified onСерада, 19 Студзень 2022 16:57

Дадаць каментарый

Ахоўны код
Абнавіць