«Уразіла міласэрнасць». Што здзівіла ў Беларусі самотнага пілігрыма пасля Кітая і ЗША
- Written by KATOLIK.LIFE
- Published in Соцыум
- Add new comment
Вернік, які ў адзіночку прайшоў 200 кіламетраў да Будслава, распавёў пра свой шлях і падзяліўся цікавым здымкам.
Загадкавы пілігрым, які ў адзіночку прайшоў за чатыры дні каля 200 кіламетраў з Талочына да Будслава, падзяліўся з Katolik.life сваімі ўражаннямі з паломніцтва. Нагадаем, вернік вярнуўся два месяцы таму ў Беларусь пасля некалькіх гадоў працы ў Кітаі і ЗША.
У родным Талочыне падчас Вялікага посту служыў міністрантам, а пасля Вялікадня вырашыў здзейсніць пілігрымку, каб маліцца ў Будславе ў Нядзелю Божай Міласэрнасці. Навошта ён адправіўся ў такі нялёгкі шлях, мы пісалі тут >
37-гадовы Кірыл, спецыяліст па знешнеэканамічнай дзейнасці, распавёў, што шлях сапраўды выдаўся няпростым: давялося перажыць і дождж, і навальніцу, і мокры снег, і холад. Маршрут трэцяга дня шляху складаў аж 50 кіламетраў – з Лепеля да Бягомля праз Беразінскі запаведнік. Аднак пілігрым заўсёды атрымліваў дапамогу ад Пана Бога, які дзейнічаў праз людзей – жыхароў вёсак, святароў.
«У Бягомлі айцец Тадэвуш арганізаваў начлег у адным з цэнтраў, дзе дапамагаюць людзям з рознага роду залежнасцямі. Прыемна было сустрэць чарговую міласэрнасць. Міласэрнасць да людзей у бядзе», – адзначыў Кірыл.
Увогуле, тое, што найбольш уразіла яго – міласэрнасць, любоў, якая ёсць у мясцовых хрысціян, а таксама прырода, якая дае цішыню, супакой, прыгажосць.
«Напрыклад, у ЗША наўрад ці проста так, без папярэдняй дамоўленасці, прытулілі б на начлег, як у Беларусі – нават у хрысціянскіх цэнтрах, з-за розных асцярогаў», – дадаў вернік.
Па дарозе пілігрым фіксаваў некаторыя мясцовыя цікавосткі – напрыклад, у вёсцы Валосава Талачынскага раёна ён заўважыў хату, проста на франтоне якой намаляваны вялікі абраз Божай Маці з Езусам. Відаць, што хата ўжо нежылая, аднак яе гаспадар пакінуў пасля сябе такі яркі знак народнай пабожнасці.
Вернік спадзяецца, што праз гэту пілігрымку Пан таксама праліе святло на ягонае жыццё: ці заставацца ў Беларусі, ці адпраўляцца ў новую вандроўку, пакажа, да якога запрашае паклікання.
Наш канал в Telegram – только интересное и важное. Подписаться >
Related items
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная