Самую высокую ў свеце статую Панны Марыі асвяцілі ў Інданэзіі

У горадзе Амбарава ў Інданэзіі пабудавалі самую высокую ў свеце статую Панны Марыі. На яе асвячэнні прысутнічалі каля 30 тысяч чалавек - католікі з практычна ўсіх мясцовых парафій, а ўзначалілі ўрачыстую святую імшу 7 біскупаў, паведамляюць сусветныя СМІ. Арцыбіскуп Ян Пуджасумарта акрапіў статую святой вадой з калыскі тэлескапічнага крана.

Вышыня статуі - 42 метра - супаставіма з 14-павярховым домам, яна вышэй за статую Хрыста-Збавіцеля ў Рыа-дэ-Жанейра і амаль дасягае вышыні статуі Свабоды ў ЗША. Аўтары самай высокай у свеце статуі Найсвяцейшай Багародзіцы - трое мясцовых скульптараў. Грот Маці Божай у Амбараве з'яўляецца сімвалам міжрэлігійнага дыялогу ў краіне.