Ва Уладзівастоку пабудуюць самую высокую статую Хрыста
- Written by katolik-gomel.by
- Published in Царква
- Add new comment
Унутры пастамента 80-метровай статуі размесціцца праваслаўны храм.
У расійскім Уладзівастоку плануюць пабудаваць 80-метровую статую Хрыста, падобную да той, што ўстаноўлена ў Рыа-дэ-Жанейра. Праект распрацаваў скульптар Зураб Цэрэтэлі. Прычым, унутры пастамента, на якім яна будзе ўстаноўлена, размесціца праваслаўны храм. Праект прапанаваў мясцовы бізнесмен, які і перадаў ва ўласнасць Уладзівастоцкай епархіі ўчастак зямлі.
Статуя Езуса Хрыста – ідэя не на адзін год, але мы зробім усё неабходнае, каб увасобіць яе, сказаў протаіерэй Аляксей Сабанскі. Ва Уладзівастоку нямала ўзвышшаў, якія забудаваны паркоўкамі, шматпавярховымі дамамі, а статуя – вельмі маляўнічы аб’ект, і ён стане не толькі цэнтрам хрысціянскіх каштоўнасцяў, але і падставай для замежных гасцей наведаць Уладзівасток, паведаміў святар.
Для параўнання: статуя Хрысты ў Рыа-дэ-Жанейра ў вышыню складае 33 метры, а самая вялікая ў свеце статуя Збаўцы ў Польшчы – 52 метры.
Related items
- Над дамамі і храмамі: здымкамі яркага палярнага ззяння дзеляцца ў сетках
- Святары з Шуміліна застаюцца ў зняволенні, таксама арыштавана парафіянка
- Прыехалі ў касцёл на трох машынах: на Віцебшчыне затрымалі двух святароў
- 9 траўня ў дзень Унебаўшэсця Пана католікі моляцца аб супакоі на зямлі
- Teresa & Maria: у фінал Еўрабачання выйшла Украіна з песняй з хрысціянскім кантэкстам