Ангела Меркель заклікала еўрапейцаў вярнуцца ў Царкву

Канцлер Нямеччыны ў адказ на пытанне пра небяспеку ісламізацыі Эўропы праз мігрантаў заклікала эўрапейцаў вярнуцца да сваёй веры і культуры.

Пытанне пра ісламізацыю было зададзена Ангеле Меркель некалькі дзён таму падчас яе выступу ў унівэрсітэце Берна, у Швейцарыі. Інфармацыя пра як адказ стала вядомай толькі ў апошнія дні, у сувязі з масавай хваляй ісламскай міграцыі ў Эўропу.

— Страх ніколькі не з’яўляецца добрым дарадчыкам, — сказала кіраўнічка Нямеччыны, адзначыўшы, што сапраўды існуе значная небяспека ісламскага тэрарызму, якую трэба ўлічваць.

Пры гэтым яна сказала, што свабода рэлігіі застаецца важнай каштоўнасцю.

— Хацела б бачыць больш людзей, якія маюць адвагу сказаць «Я хрысціянін», і болей людзей, якія маюць адвагу весці дыялог, — дадала канцлер, дачка лютэранскага пастара.

Еўрапейцы павінны вярнуцца да актыўнай рэлігійнай практыкі, да удзелу ў касцёльных набажэнствах і біблейскага грунту сваіх каштоўнасцяў,— сказала Ангела Меркель.

Дыскусія пра іслам і ідэнтычнасці Еўропы павінна прывесці нас да нашых каранёў, лічыць канцлер Нямеччыны.

Сatholic.by