Маскоўскі Патрыярхат: трэба адкласці ў бок нязгоды
- Written by katolik-gomel.by
- Published in Царква
- Add new comment
Францішак і Кірыл сустрэнуцца дзеля выратавання хрысціянства.
Мітрапаліт Іларыён, кіраўнік Аддзела знейшніх царкоўных сувязяў, заявіў, што сустрэча Папы і Патрыярха Маскоўскага рыхтавалася даўно. “Сітуацыя, якая складваецца сёння на Блізкім Усходзе, у Паўночнай і Цэнтральнай Афрыцы і ў некаторых іншых рэгіёнах, дзе экстрэмістамі ажыццяўляецца сапраўдны генацыд хрысціянскага насельніцтва, патрабуе неадкладных мер і яшчэ больш цеснага ўзаемадзеяння паміж хрысціянскімі Цэрквамі”, - падкрэсліў ён 5 лютага 2016 г. падчас спецыяльнай прэс-канферэнцыі ў Маскве на тэму спаткання Францішка і Кірыла ў Гаване 12 лютага 2016 г.
“У цяперашняй трагічнай сітуацыі неабходна адкласці ў бок унутраную нязгоду і аб’яднаць намаганні для выратавання хрысціянства ў тых рэгіёнах, дзе яно падвяргаецца самым жорсткім ганенням”, - заявіў высокі праваслаўны іерарх, які займаецца дыялогам з Каталіцкім Касцёлам.
Ён паведаміў аб некаторых падрабязнасцях перамоў паміж Цэрквамі. Бакі дамовіліся, каб сустрэча праходзіла на “нейтральнай тэрыторыі”, але толькі не ў Еўропе – гэта было патрабаваннем Патрыярха Кірыла, – “бо менавіта з Еўропай звязаная цяжкая гісторыя падзелаў і канфліктаў паміж хрысціянамі”. На шчасце супалі даты візіту Патрыярха ў Лацінскую Амерыку і Папы – у Мексіку. Такім чынам, “нейтральнай тэрыторыяй” стала Куба.
Related items
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Манах з Гудагая зрабіў арэлі для парафіі ў Мінску
- Ватыкан не паведамляў аб адмове Папы Рымскага ад удзелу ў мірным саміце па Украіне
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы