Рашэнне адменена: святары застаюцца ў Беларусі!
- Written by katolik-gomel.by
- Published in Царква
- Comments (1)
Нечакана стала вядома аб тым, што тром каталіцкім святарам з Польшчы дазволілі далей служыць у Беларусі.
14 ліпеня стала вядома пра тое, што дзяржаўныя ўлады Беларусі адмянілі раней прынятае рашэнне аб неўзгадненні пастырскай дзейнасці трох святароў з Польшчы: дамініканца а. Рамана Шульца OP - пробашча парафіі Св. Казіміра ў Магілёве, канвентуальнага францішканіна а. Леха Баханэка OFM Conv - пробашча парафіі Св. Міхала Арханёла ў Івянцы, облата а. Ежы Катоўскага OMI - пробашча парафіі Найсвяцейшага Сэрца Езуса і св. Крыстафа ў Калодзішчах.
Як паведамляе дапаможны біскуп для Магілёва і Магілёўскай вобласці Аляксандр Яшэўскі SDB, рашэнне ўладаў адменена - святары застаюцца ў Беларусі. Раніцай 14 ліпеня ў курыю Мінска-Магілёўскай архідыяцэзіі Рыма-каталіцкай царквы ў Беларусі паступіла паведамленне з Апарата ўпаўнаважанага па справах рэлігій і нацыянальнасцяў, згодна з якім прынята рашэнне падоўжыць дазвол на пастырскае служэнне ў Беларусі гэтым святарам.
- З вялікай радасцю інфармую вас аб тым, што сёння, 14 ліпеня, я атрымаў паведамленне, што прынятае рашэнне ў дачыненні трох святароў Мінска-Магілёўскай архідыяцэзіі, якім некалькі дзён таму не далі дазволу на працяг душпастырскага служэння ў нашай архідыяцэзіі, было перагледжана і зменена. Такім чынам усе святары застаюцца, каб працягваць далей сваё служэнне ў нашай краіне, - піша ў сваім звароце біскуп. - Выказваю сваю ўдзячнасць дзяржаўным уладам за пазытыўны перагляд свайго рашэння. У будучыні спадзяюся на канстуктыйны падыход да падобных сітуацый, дыялог і разуменне нашага сумеснага служэння людзям нашай Бацькаўшчыны.
Related items
- Як у вёсках праходзяць Маёвыя набажэнствы, паказалі на Гродзеншчыне
- «Не сказалі нават біскупу». Даведаліся, на які тэрмін асудзілі святароў у Віцебску
- «Сезон пілігрымак» адкрыла паломніцтва з Пінска ў Лагішын
- Песня з хрысціянскімі матывамі ад Украіны заняла трэцяе месца на Еўрабачанні
- «Зробім каталіцкае ТБ». Два моцныя YouTube-праекты запусцілі святары і манахіня
RSS-стужка каментароў гэтага запiсу