КНДР забараняе крыжы, узмацняючы антыхрысціянскі тэрор
- Written by katolik-gomel.by
- Published in Царква
- Add new comment
У канцлагерах Паўночнай Карэі знаходзяцца 70 тыс. хрысціянаў.
Камуністычная КНДР лічыцца адзінай краінай у свеце, якая больш небяспечная для хрысціян, чым тэрыторыі пад уладай тэрарыстычнай «Ісламскай дзяржавы». Але ў апошнія месяцы ціск на хрысціян ў Паўночнай Карэі дадаткова ўзмацніўся.
Чыноўнікі канфіскуюць рэчы з выявамі ў форме крыжа на мытнях і ў крамах.
«Калі мытнікі канфіскуюць гэтыя вырабы, заяўляючы, што яны падобныя да крыжа, нам няма куды скардзіцца. Брэлокі ці завушніцы з дызайнам такой формы таксама забіраюць», — распавёў адзін з гандляроў з правінцыі Хамгён-Пукта.
Згодна з паведамленнямі, якія прыходзяць з краіны, адкуль вельмі цяжка атрымаць неафіцыйную інфармацыю, нават вучням раюць больш асцярожна пісаць знак «+» пры матэматычных падліках — каб ён не нагадваў знак крыжа.
Лічыцца, што зараз у КНДР каля 70 тысяч хрысціян знаходзяцца ў канцэнтрацыйных лагерах з-за сваёй веры. Тыя, хто захаваў веру, рызыкуюць стаць ахвярамі катаванняў і жорсткіх пакаранняў — ад зняволення да смерці.
Пры гэтым афіцыйна ў КНДР аб'яўлена, як раней і ў СССР, свабода рэлігіі. І ў сталіцы — адзіным месцы на краіну з 24-мільённым насельніцтвам — адчынены дзве хрысціянскія царквы. Лічыцца, што гэтыя дзве царквы існуюць толькі для прапагандысцкіх мэтаў. Адзін з гэтых будынкаў называецца «каталіцкім», аднак не мае ніякага дачынення да Каталіцкага Касцёла.
У КНДР захоўвае ўладу так званая дынастыя Кімаў — нашчадкаў лідара карэйскіх камуністаў Кім Ір Сена, які стварыў таталітарны культ сваёй асобы.
Атэістычны рэжым, які шырока выкарыстоўвае тэрор, пры гэтым пашырае ў прапагандзе амаль неаязычніцкую веру ў звышчалавечыя здольнасці сваіх «правадыроў». Кім Ір Сен пасля сваёй смерці ў 1994 годзе быў абвешчаны «вечным прэзідэнтам». Усе карэйцы ў КНДР абавязаны насіць значкі з яго партрэтам.
Related items
- Як у вёсках праходзяць Маёвыя набажэнствы, паказалі на Гродзеншчыне
- «Не сказалі нават біскупу». Даведаліся, на які тэрмін асудзілі святароў у Віцебску
- Песня з хрысціянскімі матывамі ад Украіны заняла трэцяе месца на Еўрабачанні
- «Зробім каталіцкае ТБ». Два моцныя YouTube-праекты запусцілі святары і манахіня
- Названа «лепшае фота» з палярным ззяннем – над прыдарожным крыжам