Семінарыя ў Пінску правядзе Дзень адкрытых дзвярэй
- Written by katolik-gomel.by
- Published in Царква
- Add new comment
Духоўная семінарыя адзначыць 15-годдзе адраджэння.
3 кастрычніка ў Міждыяцэзіяльнай вышэйшай духоўнай семінарыі ў Пінску адбудзецца ўрачыстае святкаванне 15-годдзя яе адраджэння. Пасля падзення ваяўнічага атэізму семінарыя ў пачатку 1990-х гг. стараннямі кардынала Казіміра Свёнтка была вернута Касцёлу, адрамантавана і восенню 2001 года зноў адчыніла дзверы для навучэнцаў.
Адраджэнне духоўнай семінарыі — радасць для ўсяго Касцёла. Таму святкаванне будзе спалучана з днём адчыненых дзвярэй. Да ўдзелу ва ўрачыстасцях запрашаюцца ўсе жадаючыя, асабліва юнакі, якія разважаюць над святарскім пакліканнем. Для іх семінарысты рыхтуюць дадатковую праграму.
Таксама кіраўніцтва семінарыі запрашае прыняць удзел у святкаванні асабліва тых духоўных і свецкіх асобаў, якія стаялі ля вытокаў адраджэння гэтай установы, удзельнічалі ў фарміраванні яе сучаснага аблічча. Перадусім на ўрачыстасць запрошаны святары, якія прайшлі тут фармацыйна-адукацыйны шлях і цяпер паспяхова служаць як душпастыры ў самых розных кутках Беларусі.
У праграме святкавання:
10.00 — урачыстая сустрэча з нагоды 15-годдзя адраджэння семінарыі і пачатку новага навучальнага года 2016\2017 (актавая зала імя З. Лазінскага)
12.00 — святая Імша ў катэдральным касцёле
14.00 — культурная праграма для ўдзельнікаў святкавання
Related items
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы