П'яны скраў з касцёла ў Глыбокім царкоўны посуд на 10 тыс. руб.
- Written by katolik-gomel.by
- Published in Царква
- Comments (1)
Пажылыя парафіянкі заўважылі злачынства падчас службы.
Прама падчас святой Імшы ў каталіцкім храме ў Глыбокім мужчына здзейсніў крадзеж. Аднак аператыўна раскрыць крадзеж гістарычных каштоўнасцяў дапамагла пільнасць вернікаў. У касцёле Святой Тройцы 61-гадовы мясцовы жыхар прабраўся ў сакрыстыю і скраў царкоўны посуд. Пры гэтым пенсіянер, які быў п'яны, сунуў каштоўныя рэчы за пазуху і пачаў прабірацца да выхаду з касцёла.
Аднак гэта заўважылі бабулі-парафіянкі, якія былі на службе, і адразу расказалі пра здарэнне пробашчу парафіі. Святар выклікаў міліцыю і неўзабаве мужчыну злавілі, паведамляе УУС Віцебскага аблвыканкама.
Здабычай злодзея сталі дарагія рэчы, якія прадстаўляюць культурна-гістарычную каштоўнасць: гэта старадаўнія патэна (літургічны посуд) і манстранцыя, якая ўжываецца для выстаўлення Найсвяцейшага Сакрамэнту. Агульны кошт скрадзеных прадметаў ацэньваецца ў больш 10 тыс. рублёў (100 млн. да дэнамінацыі). Узбуджаная крымінальная справа.
Related items
- «Не сказалі нават біскупу». Даведаліся, на які тэрмін асудзілі святароў у Віцебску
- Песня з хрысціянскімі матывамі ад Украіны заняла трэцяе месца на Еўрабачанні
- «Зробім каталіцкае ТБ». Два моцныя YouTube-праекты запусцілі святары і манахіня
- Названа «лепшае фота» з палярным ззяннем – над прыдарожным крыжам
- Над дамамі і храмамі: здымкамі яркага палярнага ззяння дзеляцца ў сетках
RSS-стужка каментароў гэтага запiсу