Сям'я памерлага бацькі 18 дзяцей падрыхтавала 5 тыс. ружанцаў
- Written by katolik-gomel.by
- Published in Царква
- Add new comment
Ружанцы раздавалі ўдзельнікам цырымоніі развітання ў Мадрыдзе.
Сям'я іспанца Хасэ Марыі Пасціга - бацькі 18 дзяцей, які нядаўна памёр ад раку - падрыхтавала 5 тысяч ружанцаў да цырымоніі развітання, якая адбылася ў Мадрыдзе. Ружанцы з карткамі для малітвы раздавалі ўсім, хто прыйшоў развітацца з Хасэ Марыяй. Пахаванне шматдзетнага бацькі ў Барселоне сабрала каля 4 тыс. чалавек (чытайце падрабязней: «Кінуць сваё сэрца на зямлю, каб іншым было мякка ступаць». Сотні сяброў, 18 дзяцей, адна жонка, Адзін Бог [фота])
Фота сям'і, якая раскладвае ружанцы, набрала больш за 3 тыс. лайкаў у Instagram і больш за тысячу - у Facebook.
Нагадаем, шматдзетная маці Роза Пік да гэтага перажыла ўжо тры пахавання сваіх дзяцей. Вось як яна апісвала развітанне з дачкой Кармінетай у сваёй кнізе «Як жыць шчасліва з 1,2,3... дзецьмі?»:
- Пахаванне было вельмі эмацыйнае, людзі не змяшчаліся, касцёл у Саррыя быў перапоўнены. Дзеці апранулі строі ў кветачку, якія я так люблю, і трымалі ў руках букецікі. Я таксама апранула каляровую сукенку, бо мы і сумавалі, і цешыліся адначасова: Кармінета пайшла ў неба. Мой сын Хуампі прачытаў вельмі кранальную прамову, якая прымусіла ўсіх расплакацца. Мясцовы айцец Масэн Манэль быў настолькі узрушаны, што сказаў напрыканцы цырымоніі: «Выйдзем жа з касцёла, каб даць сведчанне ўсяму раёну». Людзі дзівіліся супакою, які панаваў навокал: «Як жа гэта магчыма — заставацца такімі спакойнымі, толькі-толькі пахаваўшы старэйшую дачку?» Так, гэта было сведчанне жывой штодзённай веры, якая абуджаецца не толькі ў такія цяжкія моманты, як пахаванне дзяцей або сваякоў. Гэта было сведчанне хрысціянскай сям’і, якая трэці раз перажывала смерць дзіцяці.
Related items
- 9 траўня ў дзень Унебаўшэсця Пана католікі моляцца аб супакоі на зямлі
- Манах з Гудагая зрабіў арэлі для парафіі ў Мінску
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп