Святая Русь: ва Украіне на Раство ў храмы прыйшлі 5 млн, у Расіі - удвая менш
- Written by Katolik.life
- Published in Царква
- Add new comment
Свята ва Украіне ахоўвалі 18 тыс. праваахоўнікаў, а ў РФ - больш за 50 тыс.
У ноч з 6 на 7 студзеня, калі праваслаўныя і ўніяты святкавалі Божае Нараджэнне, храмы ва Украіне наведалі 5 млн чалавек. Як паведамляе МУС краіны, усяночныя чуванні прайшлі ў 14 тыс. храмах па ўсёй Украіне. Бяспеку і правапарадак каля цэркваў забяспечвалі звыш 18 тыс. супрацоўнікаў Нацыянальнай паліцыі і Нацыянальнай гвардыі. У цэлым святочныя мерапрыемствы прайшлі без істотных парушэнняў публічнай бяспекі і парадку.
У той жа час у Расіі, паводле афіцыйных дадзеных МУС, калядныя набажэнствы наведалі больш за 2,5 млн чалавек У ноч з 6 на 7 студзеня на тэрыторыі РФ адбыліся каля 11 тыс. урачыстых набажэнстваў. Святкаванне прайшло без істотных інцыдэнтаў, да забеспячэння правапарадку ў храмах і манастырах прыцягвалася больш за 50 тыс. паліцыянтаў і 3,8 тыс. расгвардзейцаў.
Адзначым, што насельніцтва Украіны складае каля 45 млн чалавек, а Расіі - звыш 140 млн.
Дарэчы, колькасць вернікаў, якія наведваюць храмы на святы ў Беларусі, МУС не паведамляе пасля заявы Мітрапаліта Тадэвуша Кандрусевіча.
Related items
- Прыехалі ў касцёл на трох машынах: на Віцебшчыне затрымалі двух святароў
- 9 траўня ў дзень Унебаўшэсця Пана католікі моляцца аб супакоі на зямлі
- Ватыкан не паведамляў аб адмове Папы Рымскага ад удзелу ў мірным саміце па Украіне
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Праваслаўная Велікодная служба па-беларуску з анлайн-трансляцыяй пройдзе ў Вільні