Фотафакт: ля Чырвонага касцёла выставілі алтар і сотню лампадак

Лістапад 3, 2018
Written by Katolik.life
Published in Царква
Add new comment

У Каталіцкай царкве праходзіць актава ўспаміну ўсіх памерлых

З 2 лістапада, калі католікі адзначаюць дзень успаміну ўсіх памерлых вернікаў, ля ўваходу ў Чырвоны касцёл у Мінску (парафія св. Сымона і св. Алены) усталявалі сімвалічны алтар, аформлены ў чорна-белых фарбах, а таксама крыж. Вакол алтара і побач з ім выстаўлены лампадкі, якія запальваюць вернікі ў знак малітвы за сваіх родных і блізкіх памерлых. Кожны можа падыйсці і запаліць лампадку (запалкі для зручнасці знаходзяцца тут жа, на стале), стаць на калені на прыступках святыні і памаліцца ля імправізаванага алтара.

Інсталяцыя прыцягвае ўвагу турыстаў, што наведваюць Чырвоны касцёл, - яны актыўна фатаграфуюць і здымаюць на відэа, як католікі моляцца за памерлых.

Згодна з традыцыяй, на працягу актавы ўспаміну ўсіх памерлых, якая працягваецца з 1 па 8 лістапада, вернікі наведваюць могілкі і моляцца за памерлых. Чытайце па тэме: Што чакае душы ў Чысцы, навошта за іх маліцца і як атрымаць поўны адпуст за душы ў Чыстцы? >

Tagged under