У Беларусі зацверджана новая малітва - да Маці Божай Гомельскай
- Written by KATOLIK.LIFE
- Published in Царква
- Comments (1)
Яе склаў біскуп Казімір Велікаселец
Малітву да Маці Божай Гомельскай склаў біскуп Казімір Велікаселец, цяперашні часовы Апостальскі Адміністратар Мінска-Магілёўскай архідыяцэзіі. Раней, нагадаем, іерарх служыў у Гомелі і займаўся будаўніцтвам новага касцёла. На месцы будоўлі працуе капліца парафіі Унебаўзяцця Найсвяцейшай Панны Марыі. Галоўны абраз капліцы і будучага касцёла - Маці Божай Гомельскай, як назваў яго біскуп Казімір.
Тэкст малітвы нядаўна зацвердзіў старшыня Секцыі па перакладзе літургічных тэкстаў і афіцыйных дакументаў Касцёла Камісіі Божага Культу і Дысцыпліны Сакрамэнтаў ксёндз доктар Ян Крэміс. Парафіянаў і ўсіх жадаючых запрашаюць штодня чытаць гэтую малітву пасля Ружанца. Плануецца, што ў парафіі надрукуюць карткі з абразом Маці Божай Гомельскай і тэкстам малітвы. Ён наступны:
Маці Божая Гомельская, Найсвяцейшая Панна Марыя, просім, будзь нашай дапамогай у зямным жыцці і выпрасі ў Пана Бога нам патрэбныя дары Святога Духа, каб мы жылі ў святасці, сталі перад Богам з чыстай душой і дасягнулі вечнага шчасця ў небе. Амэн.
Related items
- Такі падарунак – толькі ад байкераў. Мотасезон яны адкрылі ў касцёле
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
Паводле Кананічнага права для таго, каб публічна карыстацца дадзенай малітвай (а тым больш друкаваць абразкі з тэкстам малітвы) трэба мець imprimatur (зацвярджэнне, дазвол біскупа). У Вашым выпадку трэба звяртацца ў Пінскую курыю да біскупа Антонія Дзям'янкі, далучыўшы тэкст і рэцэнзію малітвы.
RSS-стужка каментароў гэтага запiсу