BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Прадстаўнік Ватыкана асвяціў у Навагрудку самы высокі над Беларуссю помнік

Апостальскі нунцый выказаў надзею, што святы Міхал Арханёл будзе бараніць Беларусь ад злых духаў цемры. А да біскупа Гродзенскага звярнуліся з просьбай аб аб'яўленні Навагрудскага касцёла санктуарыем святога Міхала Арханёла, заступніка Беларусі.

Апостальскі Нунцый у Беларусі арцыбіскуп Антэ Ёзіч 3 чэрвеня ўпершыню наведаў Навагрудак, дзе асвяціў нядаўна ўсталяваную фігуру святога Міхала Арханёла. Нагадаем, гэтую фігуру можна назваць самым высокім над Беларуссю помнікам. Фігура ўстаноўлена на пляцоўцы перад каталіцкім храмам Святога Міхала Арханёла, які таксама намаляваны на гербе Навагрудка.

Дыпламатычны прадстаўнік Папы Рымскага Францішка цэлебраваў у касцёле святую Імшу разам з біскупам Гродзенскім Аляксандрам Кашкевічам. Па словах пробашча парафіі ксяндза Юрыя Жэгарына, Апостальскі Нунцый у сваёй гаміліі адзначыў, што ўзвядзенне фігуры святога Міхала Арханёла стала адметнай, гістарычнай падзеяй не толькі для Навагрудка, але і для Беларусі:

«Бо святы Міхал Арханёл з'яўляецца заступнікам Касцёла ў Беларусі і таксама – горада-дзяржавы Ватыкан. Арцыбіскуп Антэ Ёзіч распавёў, што Папа Францішак асвяціў фігуру святога Міхала Арханёла ў Ватыканскіх садках, і выказаў надзею, што ён будзе абараняць Беларусь ад злых духаў цемры».

Дарэчы, падчас святой Імшы ў прысутнасці Нунцыя да ардынарыя Гродзенскай дыяцэзіі была накіравана просьба аб аб'яўленні Навагрудскага касцёла санктуарыем святога Міхала Арханёла, апекуна Беларусі.

«Дзякую Богу і ўсім, хто аказаў дапамогу, каб фігура святога Міхала Арханёла ўзвышалася над Беларуссю», – напісаў на сваёй старонцы пробашч парафіі ксёндз Юрый Жэгарын і апублікаваў фота.

Наш канал в Telegram – только важное. Подписаться >

Падчас свята падкрэслілі, што менавіта фігура святога Міхала Арханёла стала самым высокім над Беларуссю помнікам, і гэта сімвалічна.

Акрамя таго, у Навагрудку прайшла невялікая канферэнцыя, прысвечаная святому Міхалу Арханёлу. Даклады прачыталі айцец Міхал Ярмашкевіч, дамініканец з Віцебска – пра анёлаў у вучэнні святога Тамаша Аквінскага, і ксёндз Віталь Сідорка з Ліды – пра шанаванне святога Міхала Арханёла ў духоўнай традыцыі Касцёла.

Media

Last modified onСерада, 07 Чэрвень 2023 15:20
Дадаць каментарый

Ахоўны код
Абнавіць