Структура БПЦ вядзе паблік па-беларуску і атрымлівае «лайкі»
- Written by KATOLIK.LIFE
- Published in Царква
- Add new comment
Гэта Радашковіцкае благачынне Маладзечанскай епархіі, якое пачало публікаваць некаторыя допісы па-беларуску.
Адна з нямногіх структур Беларускай праваслаўнай царквы, якая падае інфармацыю пра сваю дзейнасць на беларускай мове, – Радашковіцкае благачынне Маладзечанскай епархіі. Гэтая рэлігійная арганізацыя мае старонку ў сацсетцы і час ад часу робіць пасты па-беларуску.
Напрыклад, нядаўна благачынне паведаміла:
«З благаславення Епіскапа Маладзечанскага і Стаўбцоўскага Паўла, малітвамі старца протаіерэя Іаанна Іванавіча Крупко, а таксама намаганнямі і працай настаяцеля іерэя Віталія Чарнюка ды прыхаджан – над Дубраўскай царквой узнесся новы купал і святы Крыж, благаслаўляючы людзей і наваколле. Віншуем Дубраўскую парафію з гэтай значнай падзеяй!»
Паведамленні на беларускай мове, паводле нашых назіранняў, пачалі з'яўляцца на старонцы благачыння са жніўня 2023 года.
Наш канал у Telegram – толькі цікавае і важнае. Падпісацца >
Відаць, што такая ініцыятыва веруючым падабаецца – часам, беларускамоўным допісам падпісчыкі часцей ставяць лайкі. Адміністратарам старонкі пазначаны протаіерэй Фама Шаплыка.
Media
Related items
- Байк, драйв... могілкі. «Сельскі святар» працягвае здзіўляць
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Праваслаўная Велікодная служба па-беларуску з анлайн-трансляцыяй пройдзе ў Вільні
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася