Топ-3 фота незвычайнага афармлення касцёлаў на Адвэнт

Снежань 1, 2024
Written by KATOLIK.LIFE
Published in Царква
Add new comment

У парафіях Беларусі благаславілі адвэнтавыя вянкі, якія вернікі зрабілі сваімі рукамі.

У каталіцкіх парафіях Беларусі 1 снежня, на пачатак Адвэнту – радаснага чакання Прыйсця Збаўцы – благаславілі адвэнтавыя вянкі, якія вернікі зрабілі сваімі рукамі. Гэтыя вянкі з чатырма свечкамі яны будуць выкарыстоўваць дома для сямейнай малітвы (фота ніжэй – парафіі ў Варнянах).

Таксама адвэнтавыя вянкі разам з іншым аздабленнем алтара з'явіліся ў касцёлах. Паводле парафіяльных старонак у Instagram мы выбралі топ-3 самага незвычайнага аздаблення.

Домікі ў касцёле ў Пружанах сімвалізуюць не толькі ўласныя дамы і кватэры, але і сэрцы, якія чакаюць Божага Нараджэння.

У санктуарыі ў Лагішыне з дзён Адвэнту склалі гадзіннік, а ў касцёле святога Францішка Асізскага ў Мінску для адвэнтавых свечак зрабілі стылёвыя падсвечнікі, якія добра ўпісаліся ў канцэпцыю афармлення ўсяго храма.