Падораны польскім міністрам арган асвяцілі ў касцёле ў Лагішыне

Ліпень 28, 2025
Written by KATOLIK.LIFE
Published in Царква
Add new comment

Пасля Імшы ў касцёле прагучаў канцэрт у рамках фестывалю Ars Magna Organi.

Біскуп Казімір Велікаселец 26 ліпеня благаславіў арган, усталяваны ў санктуарыі Маці Божай Каралевы Палесся ў Лагішыне Пінскага раёну. Гэта адбылося на святой Імшы ў прысутнасці прадстаўнікоў мясцовай улады.

Пасля Імшы ў касцёле прагучаў канцэрт у рамках фестывалю Ars Magna Organi.

Парафія апублікавала фота і відэа і нагадала, што гэты сучасны арган першапачаткова быў пабудаваны для салона ў доме міністра замежных спраў Польшчы Радаслава Сікорскага. У 2018 годзе міністр падарыў інструмент дапаможнаму біскупу Пінскай дыяцэзіі Казіміру Велікасельцу для санктуарыя ў Лагішыне.

Як мы распавядалі, увесь гэты час арган ляжаў у чаканні майстроў, і ўсталяваць і наладзіць інструмент атрымалася толькі цяпер.

Апублікаванае відэа не дае ўяўлення пра ўсе магчымасці аргана, але ў парафіі адзначылі, што гэты невялікі інструмент з рамантычнай дыспазіцыяй выдатна падыходзіць для памяшкання лагішынскага касцёла.