У Гомелі запланаваны Дзень без абортаў і аўтапрабег «За жыццё»

У рамках рэспубліканскай духоўна-асветніцкай акцыі «Разам - у абарону жыцця, маральнасці і сямейных каштоўнасцяў» у беларускіх гарадах пройдуць «дні без абортаў». Акцыя праходзіць у рамках рэалізацыі Нацыянальнай праграмы дэмаграфічнай бяспекі Беларусі на 2011-2015 гады. Яе мэта - прыцягнуць увагу грамадства да пытанняў сям'і, нараджальнасці, абортаў, фарміраваць у моладзі пазітыўнае стаўленне да сямейных каштоўнасцяў.

У рамках акцыі ва ўсіх медустановах не будуць рабіць аборты: у Мінску - 23 сакавіка; у Мінскай вобласці - 24 сакавіка; ва ўсіх гарадах Брэсцкай вобласці - 26 сакавіка; ва ўсіх гарадах Гомельскай вобласці - 27 сакавіка; ва ўсіх гарадах Гродзенскай вобласці - 30 сакавіка; ва ўсіх гарадах Віцебскай вобласці - 1 красавіка; ва ўсіх гарадах Магілёўскай вобласці - 2 красавіка. Выключэнне складуць толькі выпадкі па медыка-генетычных паказаннях.

Таксама падчас акцыі валанцёры будуць распаўсюджваць улёткі пра ўскладненні і наступствах абортаў, метадах непажаданай цяжарнасці. Для медперсаналу правядуць семінары з удзелам святароў. Лекары, духавенства і педагогі будуць ладзіць лекцыі перад старшакласнікамі і студэнтамі аб неабходнасці цноты і ўстрымання да шлюбу, паведамілі ва Ўпраўленні аховы здароўя Гомельскага аблвыканкама.

Акрамя таго, у Гомелі запланаваны аўтапрабег «За жыццё», у якім маюць намер прыняць удзел хрысціяне розных канфесій.

Нагадаем, у мінулы раз за Тыдзень без абортаў у Гомелі раздалі каля 15 тысяч буклетаў + ФОТА >>>