У Гомелі на Вялікдзень хрысцілі дарослых - ФОТА
- Written by katolik-gomel.by
- Published in Навіны - Гомель
- Add new comment
Падчас начнога Велікоднага чування ў гомельскай парафіі хрысцілі траіх дзяцей і двух дарослых мужчын.
У Велікодную ноч, калі гомельскія католікі сабраліся на святочнае начное чуванне, парафія папоўнілася трыма нованароджанымі дзяўчынкамі і двума дарослымі мужчынамі. Павел і Дзмітрый сталі хрысціянамі-каталікамі, самастойна прыняўшы гэтае рашэнне ў ўсвядомленым узросце. Рознымі шляхамі Гасподзь прывёў мужчын да гэтага рашэння. Праўда, просьбу аб хрышчэнні, з якой яны прыйшлі да каталіцкай царквы, пробашч выканаў не адразу - каля года яны наведвалі заняткі «Школы веры» і слухалі катэхезы, каб належным чынам падрыхтавацца да хросту.
Пасля здзяйснення сакрамэнту ўсе прысутныя на Велікодным чуванні парафіяне абнавілі сваё хрышчэнне. Пасля публічнага адрачэння ад граху і сатаны, вызнання сваёй веры, святар акрапіў ўсіх вернікаў асвячонай вадой.
У гэты час у іншай залі, дзе таксама сабраліся сотні гомельскіх католікаў з-за недахопу месцаў у храме, адбылося хрышчэнне траіх нованароджаных дзяўчынак са шматдзетных сем'яў вернікаў.
Related items
- Такі падарунак – толькі ад байкераў. Мотасезон яны адкрылі ў касцёле
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася