Усяночная на Вялікдзень у гомельскім касцёле пачнецца 26 сакавіка ў 23 гадзіны

Пасля Пальмавай (Вербнай) нядзелі ў Каталіцкай царкве пачаўся апошні тыдзень Вялікага посту - Вялікі Страсны Тыдзень, які прыводзіць да святкавання Уваскрасення Пана Езуса Хрыста.

Магчымасць споведзі да Вялікадня ў гомельскім касцёле будзе ў панядзелак, аўторак і сераду да і пасля ранішніх і вячэрніх службаў. А ўжо ў чацвер у 10.00 адбудзецца Імша Хрызма, падчас якой біскуп Казімір Велікаселец прыме абнаўленне абяцанняў ад святароў, што служаць у Гомельскай вобласці, і асвеціць алей для хросту і для памазання хворых.

З вечаровай Імшы Вялікага Чацвярга пачынаецца Святы Пасхальны Трыдуум, падчас якога перажываецца Велікодная Таямніца Госпада Ісуса Хрыста - Яго адкупленчая смерць і ўваскрасенне.

Чацвер - святая Імша Вячэры Пана ў 19.00 Вялікая

Вялікая Пятніца - Ранішнія хвалы ў 8.00, Крыжовы Шлях у 15.00, Літургія Мукі Пана ў 19.00

Вялікая Субота - Ранішнія хвалы ў 8.00. Дабраславенне пасхальнай ежы з 9.00 да 13.00 (праз кожныя паўгадзіны)

Усяночнае Велікоднае Чуванне - у суботу, 26 сакавіка, у 23.00

Велікодная нядзеля, 27 сакавіка, - св. Імша ў 9.00, у 12.00 і ў 16.00. Не будзе святой Імшы ў 18.30

Велікодны Тыдзень (Сядміца) - Св. Імша з панядзелка па пятніцу ў 8.00 і ў 19.00, у суботу ў 8.00. Пробашч запрашае старанна ўдзельнічаць у гэтых набажэнствах, каб велікодная ласка і радасць ўмацоўваліся ў сэрцах.