У Гомелі могуць зруйнаваць рэшткі старадаўняга касцёла і археалагічны пласт
- Written by katolik-gomel.by
- Published in Навіны - Гомель
- Add new comment
Пры рэканструкцыі плошчы Леніна плануюць пабудаваць падземныя пераходы.
Упраўленне капітальнага будаўніцтва Гомеля абнародавала бліжэйшыя планы па рэканструкцыі вуліц у цэнтры горада. У прыватнасці плануецца будаўніцтва трох падземных пешаходных пераходаў у раёне плошчы Леніна - гэта павінна спрыяць павелічэнню прапускной здольнасці плошчы. Будаўніцтва аднаго з падземных пераходаў запланавана як раз у тым месцы, дзе з пачатку 19-га стагоддзя стаяла каталіцкая святыня Унебаўзяцця Найсвяцейшай Панны Марыі, узарваная бальшавікамі ў 1940 годзе.
Навіну аб новых ідэях мясцовых уладаў пракаментавала вядомы гомельскі гісторык Марыя Булавінская:
- Улады плануюць праз месяц зрабіць падземныя пераходы на месцы, дзе раней стаяў касцёл. Гэта значыць, што прыдзецца зруйнаваць фундамент касцёла, які знаходзіцца зараз пад асфальтам, і зруйнаваць археалагічны пласт перыяду Сярэднявечча.
Іншыя краязнаўцы прапануюць пачаць кампанію супраць будаўніцтва падземных пераходаў або прапанаваць уладам перагледзець праект і аднесці будоўлю далей ад гістарычных месцаў.
Related items
- У Беларусі прызнаны гісторыка-культурнай каштоўнасцю каталіцкі абрад «Тры каралі»
- Старадаўняя капліца згарэла на могілках у Смаргоні
- «Не сказалі нават біскупу». Даведаліся, на які тэрмін асудзілі святароў у Віцебску
- Песня з хрысціянскімі матывамі ад Украіны заняла трэцяе месца на Еўрабачанні
- «Зробім каталіцкае ТБ». Два моцныя YouTube-праекты запусцілі святары і манахіня