На старадаўніх могілках у Гомелі прайшоў міжрэлігійны суботнік [ФОТА]
- Written by katolik-gomel.by
- Published in Навіны - Гомель
- Add new comment
Чацвёрты год юдэі, католікі і праваслаўныя ачышчаюць закінутыя магілы.
9-10 красавіка ў Гомелі арганізавалі чарговую акцыю па добраўпарадкаванні Прудкоўскіх могілак. Тут своеасаблівы міжрэлігійны суботнік традыцыйна ладзяць мясцовыя юдэйскія супольнасці, прадпрыемства «Гомельскі спецкамбінат» і хрысціянскія вернікі - праваслаўныя і католікі, у прыватнасці хлопцы і дзяўчаты з парафіяльнай групы скаўтаў. Хрысціяне працавалі ў суботу, а юдэі запланавалі працяг акцыі на нядзелю.
Прадстаўнікі розных канфесій ўжо даўно працуюць разам, каб аддаць даніну павагі продкам, паслужыць на карысць горада і зрабіць крок да адзінства.
- Аб маральным і духоўным развіцці грамадства можна меркаваць па яго адносінах да могілак. Таму заклікаем пакінуць абыякавасць і стомленасць сэрцаў, далучаючыся да акцыі, - кажуць арганізатары.
Гэта была ўжо чацвёртая падобная акцыя па добраўпарадкаванні старадаўніх могілак. Тут пахаваныя як юдэі, так і хрысціяне, таксама на могілках размешчаны салдацкія магілы пад чырвонай зоркай. Дзесяткі помнікаў на могілках, дзе пахаванні вяліся ў 20-70 гадах мінулага стагоддзя, былі разбураны вандаламі і часам, могілкі былі практычна цалкам зарослым, але пасля чатырохгадовай грамадскай акцыі іх удалося прывесці ў парадак.
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў