У Гомелі выступіў эксперыментальны праект «Балцкі Субстрат» [ФОТА, ВІДЭА]

Красавік 24, 2016
Written by katolik-gomel.by
Published in Навіны - Гомель
Add new comment

Канцэрт быў прысвечаны 30-годдзю катастрофы на ЧАЭС.

24 красавіка ў гомельскім касцёле Нараджэння Божай Маці бясплатна выступіў гурт «Балцкі Субстрат» (г. Мінск) з фолкава-блюзавай праграмай на словы Казіміра Сваяка, Максіма Багдановіча, Уладзіміра Караткевіча і аўтэнтычныя народныя тэксты.

«Балцкі Субстрат»- гэта эксперыментальны фолкавы беларуска-балтыйскі праект. Музыка гурту бярэ свае вытокі з узаемаперасячэння багатай акадэмічнай школы Беларусі, сучаснай паэзіі ды ўнікальнай беларускай аўтэнтыкі. Песні не ўвагнаны ў жорсткія стандарты жанру, стылю і тэматыкі. Аўтар і кіраўнік праекту, гітара і голас - даследчык, кампазітар і спявак Максім Іўкін.

Гурт ужо не раз выступаў у каталіцкіх храмах Беларусі. Канцэрт у Гомелі быў прысвечаны 30-годдзю катастрофы на Чарнобыльскай АЭС.