Сустрэча веруючай моладзі ў Гомелі: стасункі, гульні, сцэнкі, канферэнцыі і малітва [фота]
- Written by katolik-gomel.by
- Published in Навіны - Гомель
- Comments (1)
![Сустрэча веруючай моладзі ў Гомелі: стасункі, гульні, сцэнкі, канферэнцыі і малітва [фота]](/media/k2/items/cache/97a787f8d6fb66aaef15fa858aa433ea_XL.jpg)
Праз кнігу Ёны, фільмы і ролікі святар раскрываў тэму талентаў і паклікання кожнага чалавека.
15 сакавіка ў Гомелі прайшла сустрэча для моладзі Пінскай дыяцэзіі Рыма-каталіцкай царквы. Ладзіў сустрэчу ў выглядзе рэкалекцыі малады вікарый гомельскага касцёла айцец Дамінік Шыманскі з дапамогай маладых вернікаў. У духоўных практыкаваннях удзельнічалі хлопцы і дзяўчаты са Светлагорску, Жлобіна і Гомеля.
Сустрэча праходзіла ў Доме міласэрнасці сясцёр ордэна Маці Тэрэзы. Маладыя людзі ў гульнявой форме пазнаёміліся адзін з адным, слухалі канферэнцыі святара, прыдумлялі сцэнкі і рабілі постэры па матывах біблейскай кнігі прарока Ёны, якой была прысвечана сустрэча. Праз гэтую кнігу, а таксама з дапамогай відэаролікаў і невялікіх фільмаў айцец Дамінік раскрываў тэму талентаў і паклікання кожнага чалавека.
Таксама маладыя людзі разам смачна паабедалі, а завяршылася сустрэча асабістай споведдзю і ўдзелам у святой Імшы, якую правёў біскуп Казімір Велікаселец.
Media
Related items
-
Асаблівы выпадак: вайсковы аркестр суправадзіў каталіцкую працэсію ў Віцебску
-
Надзея на цуд? Фігуру Фацімскай Божай Маці падарылі Пуціну – і гэта не проста сувенір
-
Першыя сёлета масавыя шэсці католікаў прайшлі ў гарадах Беларусі
-
Паглядзіце на католікаў у сталіцы Башкартастана – там пабудуюць першы каталіцкі храм
-
Выпускнікі прыйшлі ў касцёлы, каб падзякаваць Богу і папрасіць дабраславення
RSS-стужка каментароў гэтага запiсу