Уніяты ў Гомелі адсвяткавалі Вялікдзень Боскай Літургіяй - ФОТА

Красавік 19, 2014
Written by katolik-gomel.by
Published in Навіны - Гомель
Add new comment

Пасля завяршэння службы святар асвяціў Велікодныя стравы вернікаў.

Грэка-каталіцкая парафія Трох свяціцеляў правяла ў гомельскім касцёле святочную Боскую Літургію Уваскрасення Хрыстовага ўвечары ў суботу, 19 красавіка. На службе прысутнічалі каля 10 мясцовых уніятаў. Пасля завяршэння Літургіі святар асвяціў Велікодныя стравы вернікаў.

Нагадаем, гомельская грэка-каталіцкая парафія Трох Свяціцеляў аднавіла рэгулярнае правядзенне Боскай Літургіі ў касцёле Нараджэння Божай Маці. Службы праводзяцца кожную першую і трэцюю нядзелю месяца ў катэхетычным зале на першым паверсе храма ў 16.30.

Праводзіць Літургіі святар Магілёўскай парафіі айцец Васіль Ягораў. На службы запрашаюцца ўсе вернікі візантыйска-славянскага абраду.