Каталіцкія калядоўшчыкі прайшліся па Гомелю і выступілі перад беднымі і бяздомнымі
- Written by KATOLIK.LIFE
- Published in Навіны - Гомель
- Add new comment
У святочных касцюмах і з каляднай зоркай, на якой намаляваны абраз Божай Маці з Дзіцяткам Езусам вернікі прадставілі альтэрнатыўную «шчадроўку» [відэа]
13 студзеня, калі ў грамадстве прынята адзначаць «стары Новы год» і шчадраваць з вершамі і песнямі, якія не нясуць глыбокага сэнсу, у гомельскім касцёле прыдумалі альтэрнатыву. Дзеці і дарослыя з рыма-каталіцкай парафіі Нараджэння Божай Маці падрыхтавалі святочную калядную праграму, якая славіць Бога.
Вернікі пажадалі не толькі словамі, але і спевамі, музыкай і наведваннямі несці радасць Нараджэння Збаўцы ў дамы людзей. У святочных касцюмах і з каляднай зоркай, на якой намаляваны абраз Божай Маці з Дзіцяткам Езусам католікі прайшлі па вуліцах і завіталі ў некаторыя кватэры.
А таксама – у парафіяльны дом да пробашча касцёла і ў Дом міласэрнасці сясцёр святой Маці Тэрэзы. Там як раз сабраліся на абедзе бедныя і бяздомныя, перад якімі выступілі вернікі з каляднымі песнямі.
Media
Related items
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная