У Гомелі пакажуць вядомы спектакль «Маці Ісуса»
- Written by gomel.catholic.by
- Published in Навіны - Гомель
- Add new comment
Напярэдадні Адвэнту, 24 лістапада, у гомельскім аблдрамтэатры пакажуць вядомую пастаноўку Маскоўскага абласнога тэатра драмы і камедыі «Маці Езуса» па кнізе Аляксандра Валодзіна. Царква неадназначна ставіцца да спектакля. Некаторыя святары звяртаюць увагу на вольную аўтарскую інтэрпрэтацыю Евангельскай гісторыі, а хтосьці наадварот раіць паглядзець драму.
Вось што кажа аб спектаклі адміністрацыя маскоўскага тэатра: «Трыццаць трэці год нашай эры. Усе падзеі адбываюцца ў доме Марыі - Маці Ісуса. Пасля Яго пакарання прайшло тры дні... Людзі, якія сабраліся, разумеюць, што адбылося нешта больш значнае, чым проста пакаранне нейкага прарока. Кожны для сябе спрабуе адказаць на пытанне, у чым жа загадка асобы Ісуса Хрыста. А каля дома ўжо стаіць натоўп тых, хто пакутуе, якія бачаць у маці Ісуса выратавальніцу ад усіх бед...»
У той жа час крытыкі пішуць: «Менавіта да таго, што адбывалася за кулісамі найвялікшай падзеі сусветнай гісторыі, звярнуўся Валодзін з тым, каб убачыць тую, для каго гэта не было гістарычнай падзеяй, а вельмі глыбокім асабістым горам. Марыя у Валодзіна, гэта, перш за ўсё маці і святасць яе для яго другасная».
Як распавялі gomel.catholic.by ў Гомельскім аблдрамтэатры, квіткі на вядомую пастаноўку пакуль ёсць у вольным продажы па кошце ад 40 да 50 тысяч рублёў.
Media
Related items
- «І раптам прыходзіць паштальён». Беларуская манахіня напісала міні-п'есу
- Што стала з самым першым храмам у Гомелі, раскажуць на выставе
- Свята сярод сцен новабудоўлі: вуглавы камень другога ў горадзе касцёла заклалі ў Гомелі
- Першыя і адзіныя: у Гомелі адзначылі юбілей Дома міласэрнасці сясцёр Маці Тэрэзы
- Пальмавую нядзелю адзначылі католікі – відэа незвычайнай працэсіі ў Гомелі