Гомельскія скаўты выбраліся ў лес на «Вясеннік» [фота]
- Written by gomel.catholic.by
- Published in Скаўты - Гомель
- Add new comment
Ноччу хлопцы перажылі сапраўдную прыгоду, а днём ўжывую пазнаёміліся з насельнікамі лесу.
Насуперак неспрыяльным прагнозам надвор'я ў мінулыя выхадныя гомельскія скаўты, якія практыкуюць педагогіку FSE (Федэрацыі скаўтаў Еўропы), здзейснілі двухдзённую вылазку ў лес. У маляўнічым месцы на беразе ракі хлопцы разам з бацькамі-скаўтамі разбілі лагер і правялі сваё традыцыйнае мерапрыемства - «Вясеннік».
Хлопцы самі рыхтавалі на вогнішчы ежу, а многія з іх упершыню начавалі ў палатках. Сярод глыбокай ночы скаўтаў чакала вялікая прыгода з прабежкай па лесе і засадамі. Многія леглі спаць толькі з зарой пад спевы птушак, а некаторыя сустракалі світанак за дзяжурствам ля вогнішча.
Хлопцаў таксама чакалі традыцыйныя вясёлыя скаўцкія гульні і нечаканыя сустрэчы: з вожыкам, зайцам, вужамі і яшчаркамі. Завяршыўся «Вясеннік» самай галоўнай падзеяй: Святой Імшой у лесе на беразе ракі. Для Эўхарыстыі скаўты вырабілі алтар і крыж, а правёў Імшу гомельскі вікарый айцец Дамінік.
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Пацалунак пад абразом і цягнік з адным вагонам – чым дзеліцца парафія ў глыбінцы
- На «гучныя» службы ў касцёле паскардзіўся жыхар Смаргоні. Што яму адказалі?
- У Беларусі ўвялі Дзень цяжарных: хто ініцыятар і чаму такія даты
- 9-месячную малітву аб ненароджаных дзецях пачалі ў Звеставанне католікі