Евангелізацыя – з крытай турмы. Як зняволены павіншаваў сястру з Днём нараджэння

Новы верш праваслаўнага верніка, зняволенага палітыка Паўла Севярынца апублікавала 23 кастрычніка ягоная сястра Ганна. Гэты верш ён напісаў у крытай турме ў Гродне, дзе яго утрымліваюць за кратамі пасля новага суда па замене рэжыму пакарання на больш строгі.

Вершам пра Езуса Хрыста вернік павіншаваў сястру з Днем нараджэння. Такім чынам нават у зняволенні, знаходзячыся ва ўмовах строгага рэжыму, Павел не губляе веру і дзеліцца ей з блізкімі: евангелізуе, абвяшчае Добрую Навіну. Цытуем верш, які на самой справе можна адрасаваць кожнаму чалавеку.

Ён не сказаў, што будзе лёгка,

Ён абяцаўся быць з табой,

І Ён заўсёды недалёка:

Захочаш - і ўбачыць вока,

Паверыш - і кранеш рукой.

 

Ён не сказаў: "Папросіш цуду -

Зраблю табе, як фокус, цуд".

Я проста буду. Побач буду.

Забудзеш ты - я не забуду.

Ты ў брудзе - я з табой у бруд.

 

Ты плачаш? Ён з табою плача.

Смяешся? - Смешна і Яму.

Ён не дае табе задачаў,

Не прымушае жыць іначай,

Што хоча Ён? Цябе саму.

 

Схаваўся ў віне ды хлебе,

Ў тваёй душы - і угары.

З табою - у любой патрэбе:

Ты хочаш вечна жыць на небе?

Я заплаціў. Тваё. Бяры.

 

Наш канал в Telegram – только интересное и важное. Подписаться >