Ватыкан зладзіў цыркавое прадстаўленне для бяздомных
- Written by katolik-gomel.by
- Published in Царква
- Add new comment
Адзін з бяздомных праспяваў песню, прысвечаную Папе.
14 студзеня 2016 г. у Рыме прайшло дабрачыннае цыркавое прадстаўленне для бяздомных, бежанцаў і групы зняволеных. Яно было арганізавана італьянскім цыркавым калектывам “Роні Ролер” (Rony Roller Circus) у супрацоўніцтве з Апостальскай элемазінарыяй. У мерапрыемстве прынялі ўдзел каля дзвюх тысяч чалавек.
Выступленне распачалося з песні, прысвечанай Святому Айцу, у выкананні аднаго з бяздомных. Яна стала сапраўднай малітвай падзякі Пантыфіку за гэты дабрачынны жэст, які гаворыць аб жаданні Папы быць блізка да кожнага з прысутных на прадстаўленні.
Наведвальнікі мерапрыемства мелі магчымасць бясплатна атрымаць неабходную медыцынскую кансультацыю і дапамогу, якую ім аказвалі супрацоўнікі ватыканскай медыцынскай службы. Пасля цыркавой праграмы ім быў прапанаваны таксама невялікі пасілак.
Святы Айцец, звяртаючыся да работнікаў цырка падчас спецыяльнай аўдыенцыі ў 2015 г. адзначаў, што людзі, якія паказваюць цыркавыя нумары, ствараюць прыгажосць, карысную для душы. “Як моцна нам неабходная прыгажосць!”, - сцвярджаў Папа. Для найбольш бедных і патрабуючых падобныя мерапрыемствы становяцца патрымкай у змаганні з жорсткасцю і цяжкасцямі жыцця.
Media
Related items
- Святары з Шуміліна застаюцца ў зняволенні, таксама арыштавана парафіянка
- Прыехалі ў касцёл на трох машынах: на Віцебшчыне затрымалі двух святароў
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Ватыкан не паведамляў аб адмове Папы Рымскага ад удзелу ў мірным саміце па Украіне
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп