Хрысціянская каманда прыняла ўдзел у «Экамарафоне» ў Гомелі
- Written by katolik-gomel.by
- Published in Царква
- Add new comment
«Гэта было сведчанне аб тым, што Хрыстос - Шлях, Праўда і Жыццё!»
22 красавіка ў Гомелі прайшоў «Экамарафон», арганізаваны Беларускай федэрацыяй лёгкай атлетыкі і прысвечаны Міжнароднаму дню Маці-Зямлі. Масавы забег сабраў некалькі тысяч прадстаўнікоў прадпрыемстваў, арганізацый, устаноў і аматараў спорту. У марафоне прыняла ўдзел хрысціянская каманда #Irun4Jesus - пратэстанцкія вернікі беглі ў майках з надпісам «Ісус Хрыстос - Шлях, Праўда, Жыццё», а таксама неслі вялізны сцяг з выявай Сына Божага і лозунгам «Мой Бог не памёр». Нагадаем, нядаўна хрысціяне ўсіх канфесій адзначалі Ўваскрасенне Хрыстовае.
- Мы прабеглі дыстанцыю 6,3 км, гэта быў цудоўны час! І выдатнае сведчанне гэтаму свету аб тым, што Ісус Хрыстос - Шлях, Праўда і Жыццё! - напісаў у сваім Фэйсбуку пастар Сяргей Нікалаенка. - Цудоўная маніфестацыя Божай славы пад яркае сонца пасля дажджу і хмараў!
З камандай бег таксама вядомы беларускі хрысціянскі спявак Аляксандр Патліс, які даваў у гэты дзень канцэрт у абласным цэнтры.
Адзначым, што падчас «Экамарафону» ў Гомелі памёр адзін з яго ўдзельнікаў - 65-гадовы выкладчык фізкультуры Сямён Максачоў. Пажылому мужчыну стала дрэнна з-за праблем з сэрцам ўжо на першым кіламетры дыстанцыі, лекары не паспелі яго ўратаваць.
Media
Related items
- Старадаўняя капліца згарэла на могілках у Смаргоні
- У Беларусі праходзяць святы Першай Камуніі – як гэта было ў сельскіх храмах
- «Не сказалі нават біскупу». Даведаліся, на які тэрмін асудзілі святароў у Віцебску
- Песня з хрысціянскімі матывамі ад Украіны заняла трэцяе месца на Еўрабачанні
- «Зробім каталіцкае ТБ». Два моцныя YouTube-праекты запусцілі святары і манахіня