Пандэмія зменіць старажытную традыцыю ў Каталіцкай царкве
- Written by KATOLIK.LIFE
- Published in Царква
- Add new comment
Пасыпаць галовы попелам сёлета будуць без словаў аб пакаянні
Кангрэгацыя Божага культу і дысцыпліны сакрамэнтаў унесла часовыя змены ў абрад пасыпання галоў попелам у пачатку Вялікага посту, звязаныя з эпідэмічнай сітуацыяй.
У інструкцыі, якой павінны кіравацца святары ва ўсім свеце падчас абраду ў Папяльцовую сераду, адзначаецца, што пасля благаслаўлення попелу і акраплення яго святой вадой, святар звяртаецца да прысутных, толькі аднойчы чытаючы формулу, змешчаную ў Рымскім Імшале. Затым ён мые рукі, апранае ахоўную маску, прыкрываючы рот і нос, і пасыпае попелам галовы тых, хто да яго падыходзіць, або, калі гэта неабходна, накіроўваецца да тых, хто стаіць на сваіх месцах, не прамаўляючы ніякіх слоў.
Нагадаем, паводле старажытнай практыкі падчас пасыпання галавы попелам святар прамаўляў да кожнага верніка словы: «Пакайся і вер у Евангелле» або «Пыл ты і ў пыл вернешся». Часам замест пасыпання галавы попелам наносіцца на лоб попелам знак крыжа.
Дакумент са зменамі абраду падпісаў прэфект Кангрэгацыі. Нагадаем, у 2021 годзе Папяльцовая серада, якой пачынаецца Вялікі пост, выпадае на 17 лютага.
Паводле vaticannews.va/be
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Без цуду, але з падтрымкай: як «Радыё Марыя» выходзіць з цяжкай сітуацыі