Хай стане нябесным заступнікам Беларусі. Католікі памаліліся за мітрапаліта Філарэта
- Written by KATOLIK.LIFE
- Published in Царква
- Add new comment
Ганаровага Патрыяршага экзарха пахавалі ў жыровіцкім Свята-Успенскім манастыры
15 студзеня ў архікатэдральным касцёле ў Мінску служылі святую Імшу аб вечным супакоі для спачылага мітрапаліта Філарэта, праваслаўнага Ганаровага патрыяршага экзарха Беларусі. У гэты ж дзень яго пахавалі ў жыровіцкім Свята-Успенскім манастыры.
Ганаровы мітрапаліт Мінска-Магілёўскі на пенсіі арцыбіскуп Тадэвуш Кандрусевіч, які ўзначаліў цэлебрацыю, у гаміліі адзначыў, што 35 гадоў служэння мітрапаліта Філарэта ў Беларусі былі прысвечаны адраджэнню веры ў краіне, піша Catholic.by.
Каталіцкі іерарх распавёў цікавы факт: калі пасля ваяўнічага савецкага атэізму не хапала касцёлаў і святароў, Філарэт дазволіў праваслаўным святарам спавядаць і прычашчаць католікаў у Праваслаўнай царкве. Менавіта дзякуючы намаганням Філарэта беларусы маюць міжканфесійны мір, і адносіны паміж рознымі веравызнаннямі ў Беларусі з’яўляюцца прыкладам іншым краінам, адзначыў арцыбіскуп.
Ён звярнуўся ў малітве да Бога з просьбай прыняць спачылага ў радасць вечнага жыцця:
- Няхай ён стане новым нябесным заступнікам нашай Бацькаўшчыны ў асаблівы час, калі нам, як паветра, патрэбныя мір і згода, якія павінны будавацца на любові да Бога і бліжняга, а таксама на ўзаемным прабачэнні, да чаго заклікаў Мітрапаліт Філарэт.
Related items
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»