Застаецца пад крыжам. У гняздо на разбураным касцёле ў Зембіне вярнуўся бусел
- Written by KATOLIK.LIFE
- Published in Царква
- Add new comment
Нядаўна абвалілася частка фасада храма, таму франтон могуць знесці. Рашэнне пакуль не прынята
Здымкі вядомага разбуранага каталіцкага храма ў вёсцы Зембін пад Мінскам апублікаваў фатограф Сяргей Плыткевіч. Ён пабываў ля касцёла пасля таго, як абвалілася частка фасада храма, які ўжо даўно знаходзіцца ў аварыйным стане. Дзясяткі гадоў аднаўленчыя працы не праводзіліся, у выніку абвалілася частка сцяны і стварыла пагрозу абвальвання франтона.
Улады пакуль не прынялі рашэнне - умацоўваць астатнюю частку франтона або цалкам зносіць будынак. Гэта той самы знакаміты франтон, які бачылі на многіх фотаздымках - са скульптурай Панны Марыі і гняздом бусла прама пад крыжам. Сяргею Плыткевічу ўдалося зняць момант, як бусел вяртаецца ў гняздо на франтоне касцёла пачатку XIX стагоддзя. Невядома, ці будзе ў гэтай птушкі, сімвала Беларусі, магчымасць вывесці нашчадкаў у сваім гняздзе на руінах храма.
Media
Related items
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы
- З 7 дзецьмі пасля 25 сутак вядомы прапаведнік пакінуў Беларусь