Першыя сёлета працэсіі Божага Цела прайшлі ў Магілёве, Брэсце і Пінску
- Written by KATOLIK.LIFE
- Published in Царква
- Add new comment
Найбольш масавыя "маніфестацыі веры" чакаюцца ў чацвер і наступную нядзелю – у Мінску, Гродне, Віцебску, Гомелі.
Каталіцкія вернікі Беларусі 4 чэрвеня, ва ўрачыстасць Найсвяцейшай Тройцы, правялі першыя сёлета працэсіі Божага Цела – у прыватнасці, яны адбыліся ў Магілёве, Брэсце і Пінску. Гэта штогадовыя "маніфестацыі веры", прысвечаныя святу Найсвяцейшага Цела і Крыві Хрыста. Вернікі ідуць з урачыстай і прыгожай працэсіяй па цэнтральных вуліцах, каб дабраславіць горад, маліцца аб тым, каб Гасподзь зберагаў ад голаду і вайны, каб нагадаць пра ахвяру і любоў Хрыста, засведчыць аб сваёй веры.
Урачыстасць Найсвяцейшага Цела і Крыві Хрыста сёлета прыпадае на чацвер, 8 чэрвеня. У гэты дзень пасля вячэрняй святой Імшы працэсіі Божага Цела адбудуцца ў заходняй частцы Беларусі – у тым ліку ў Гродне і Смаргоні.
У многіх гарадах правядзенне Эўхарыстычных працэсій пераносяць на нядзелю, каб большая колькасць вернікаў мела магчымасць прыняць удзел ва ўрачыстым шэсці. Раніцай 11 чэрвеня працэсіі Божага Цела запланаваныя ў Мінску, Віцебску, Гомелі і іншых гарадах.
Наперадзе Эўхарыстычнай працэсіі ідуць дзеці ў белай вопратцы, якія высцілаюць дарогу пялёсткамі кветак для Езуса Хрыста. Ягонае Цела пад выглядам хлеба нясе святар у манстрацыі. Па дарозе працэсія спявае і здзяйсняе прыпынкі ля чатырох алтароў для пакланення Целу Хрыста, для малітвы і чытання Евангелля.
Фота і відэа працэсіі ў Пінску: instagram.com/katedra_pinsk_/
Відэа працэсіі ў Магілёве: instagram.com/kostel_mogilev/
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў