BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Сюрпрыз моладзі зрабіў біскуп у Гродне і крута сыграў на барабанах

Сюрпрыз моладзі зрабіў біскуп у Гродне і крута сыграў на барабанах

50-гадовы іерарх нечакана сеў за барабанную ўстаноўку і адыграў канцэрт.

На адкрыцці каталіцкіх Усебеларускіх дзён моладзі ў Гродне 20 чэрвеня кіраўнік дыяцэзіі здзівіў удзельнікаў сустрэчы падчас канцэрта праслаўлення. Пры выступе семінарыйнай групы Ave біскуп Гродзенскі Уладзімір Гуляй, які нядаўна адзначыў 50-годдзе, сам сеў за барабанную ўстаноўку і крута адыграў канцэрт. Відэа з'явіліся ў сторыс у ягоным профілі [глядзіце ніжэй]

Такі сюрпрыз іерарх зрабіў нездарма – нягледзячы на ганаровы статус, ён не забыўся сваю любоў да музыкі і не страціў душэўную прастату. Нагадаем, менавіта ён падчас вучобы ў семінарыі ў 1990-х гадах стварыў групу Ave. Не пакідаў музыку будучы біскуп і падчас святарства – ён граў на барабанах, калі быў пробашчам парафіі ў Лідзе, падчас свята для мясцовых дзяцей.

Можна чакаць новых сюрпрызаў ад біскупа Уладзіміра Гуляя – дні моладзі ў Гродне працягваюцца да нядзелі, запланаваны новыя канцэрты.

Media

Last modified onСубота, 21 Чэрвень 2025 11:03
Tagged under
Дадаць каментарый

Ахоўны код
Абнавіць