У Гомелі рыхтуецца кніга па гісторыі шляхецкіх і каталіцкіх радоў
- Written by gomel.catholic.by
- Published in Навіны - Гомель
- Comments (1)
Гомельскі гісторык, кандыдат мастацтвазнаўства Яўген Малікаў сумесна з Веткаўскім музеем народнай творчасці звяртаецца да парафіянаў гомельскага касцёла з просьбай дапамагчы сабраць матэрыялы для кнігі па гісторыі шляхецкіх і каталіцкіх радоў, вёсак і аколіц у Веткаўскім, Чачэрскім, Буда-Кашалёўскім і суседніх раёнах.
Перш за ўсё патрэбны жывыя сведчанні-ўспаміны старажылаў - людзей, якія нарадзіліся ў 1920-1930-х гг., былых жыхароў з вёсак гэтых раёнаў. Напрыклад, гэта могуць быць выхадцы з вёсак Аднаполле, Галоднае, Гарысты, Глухаўка, Грамыкі, Гута, Жалезнікі, Пацёсы, Рыслаўе, Свяцілавічы, Ухова, Хізы, розныя Рудні і інш. Веткаўскага раёна; Бердыж, Куракі, Малынічы, Шапатовічы, Шылавічы, розныя Рудні і інш. Чачэрскага раёна, Лапічы Буда-Кашалёўскага раёна.
Часта жыхары гэтых вёсак маюць прозвішчы Драбышэўскія, Куракі, Язерскія, Маліноўскія, Гулевічы, Лукомскія, Гатальскія, Лапіцкія, Крупскія, Грамыкі, Іваноўскія, Плескія, Шалюты, Жарыны, Якубовічы, Буйневічы, Гавароўскія, Горскія, Гурскія і шматлікія іншыя.
Калі ласка, звяжыцеся з гісторыкам па тэл.: 8-029-535-57-46 (мтс), 8-029-176-79-29 (velcom), е-mail: malikau@yandex.ru, альбо пакіньце свае каардынаты ў пробашча. Яўген Малікаў абавязкова з Вамі звяжацца і дамовіцца аб сустрэчы ў зручны для Вас час. Гэта дапаможа захаваць для нашчадкаў памяць пра гісторыю нашых слаўных продкаў!
Related items
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын
- «Зробім каталіцкае ТБ». Два моцныя YouTube-праекты запусцілі святары і манахіня
- Не Галівуд: беларускія святары запусцілі круты праект з асновай на рэальных фактах
А яшчэ - Зою Курак: www.facebook.com/.../
RSS-стужка каментароў гэтага запiсу