Студэнцкі сквер каля касцёла добраўпарадкоўваюць і ствараюць Алею герояў - ФОТА
- Written by katolik-gomel.by
- Published in Навіны - Гомель
- Add new comment
Новая алея будзе складацца з 41 помніка ў гонар герояў Савецкага Саюза, якія прымалі ўдзел у вызваленні Гомеля.
Пасля маштабных работ па замене цеплатрасы ў Студэнцкім скверы Гомеля, калі тут - на месцы старадаўніх могілак - з-пад зямлі паднялі многія астанкі, пачалося добраўпарадкаванне тэрыторыі. Пешаходныя дарожкі выкладваюць пліткай, высаджваюць газоны, ставяць ліхтары, а прама каля рыма-каталіцкай царквы ствараюць Алею герояў.
Новая алея будзе складацца з 41 помніка ў гонар герояў Савецкага Саюза, якія прымалі ўдзел у вызваленні Гомеля. А бетонныя калоны, злучаныя аркай, стануць часткай мемарыяла воінам, што загінулі пры вызваленні Гомеля. У цэнтры алеі, на месцы братняга пахавання воінаў і партызан, удзельнікаў абароны Гомеля ў 1941-м і вызвалення горада ў 1943-м, усталююць тую ж скульптуру салдата, якая стаяла тут раней - зараз яна на рэстаўрацыі. Па абодвум бакам скульптуры размесцяць 50 медальёнаў з імёнамі і фотаздымкамі воінаў-вызваліцеляў.
Усе работы плануецца завяршыць да 3 ліпеня - Дня вызвалення Беларусі ад нямецка-фашысцкіх захопнікаў.
Related items
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Флэшмоб This is Belarus сабраў 100 тысяч фота і відэа – таксама з Будслава